Монгол Улсын Ерөнхийлөгчийн Тамгын газрын дэргэдэх Иргэний танхимд өнөөдөр газар хөдлөлтийн асуудлаар холбогдох мэргэжлийн байгууллагууд мэдээлэл хийсэн юм. Улаанбаатар хотын хэмжээнд 93 мянган барилга байгууламж байгаагаас 7 баллын газар хөдлөлтийг тэсээд гарах нь тун цөөн аж. Тодруулж хэлбэл, Төрийн ордон, Дуурь, бүжгийн эрдмийн театр, Улсын драмын эрдмийн театр, Монголын цахилгаан холбоо компани, Дулааны III, IV цахилгаан станцууд газар хөдлөлтийг тэсвэрлэх боломжгүй тул хамгийн түрүүнд нурна гэж мэргэжлийн байгууллагынхан анхаарууллаа.

Түүнчлэн сүүлийн үед өндөр барилгууд олноор баригдах болсон. Тэдгээрийн хувьд ч газар хөдлөлтийг тэсч гарах боломжгүй юм байна.

Г.Дарь