УИХ дахь Ардчилсан намын бүлгийн хуралдааны талаар бүлгийн дарга Ч.Сайханбилэг товч мэдээлэл хийлээ. Хаврын чуулганы нэгдсэн хуралдаануудаар хэлэлцэх асуудлын талаар бүлгээс ажлын хэсэг гаргахаар болжээ. Чуулганы завсарлагаар тойрогтоо ажилласан гишүүд аймаг, сум, дүүрэг, хороон дээр байдал ямар байгаа, зудын байдал, түүний хохирлыг яаж шийдэх, түүнд иргэд хэрхэн хандаж буй талаар мэдээлэл хийжээ.
Ирэх пүрэв гаригт бүлгийн хурлыг дахин хийхээр болсон, түүний дараа т мэдээлэл хийнэ гэсэн шалтгаанаар Ч.Сайханбилэг дарга тодорхой мэдээлэл өгсөнгүй. Түүгээр хаврын чуулганаар хэлэлцэх томоохон төсөл, хөтөлбөр, бүтээн байгуулалтын асуудлаар тодорхой шийдэл гаргах юм байна. Тус хуралд Ерөнхий сайд оролцохоор болжээ. Оюутолгой, Тавантолгойг ашиглах, улс төрийн амлалтаа хэрэгжүүлэх, төмөр зам, авто зам  тавих, иргэдийг орон сууцжуулах зэрэг Засгийн газрын мөрийн хөтөлбөрт орсон асуудлуудыг бүлгийн хурлаар хэлэлцэх ажээ.
                                    Д.ОЮУН