Оюу толгойн хөрөнгө оруулалтаар 13 мэргэжлээр мэргэжилтэй ажилтан бэлтгэх хөтөлбөрт  880 хүн тутмаас нэгхүнийг сургахаар тогтоосон квот ёсоор Дундговь аймгаас 58 иргэн хамрагдах боллоо. Бүрэн бус дундаас дээш боловсролтой, 24-өөс дээш насны залуучуудыг цахилгаанчин, гагнуурчин, зам, барилга, уул уурхай, ХАА-н фермерийн зэрэг мэргэжлээр 9-21 сарын хугацаанд сургахдаа сар бүр 108000 төгрөгийн тэтгэмж, 75000 төгрөгийн хоол, байрны зардал олгох бөгөөд сургалтууд тухайн мэргэжилтэй ажилчинг бэлтгэдэг “Мэргэжлийн сургалт үйлдвэрлэлийн төв”-үүдийг түшиглэн явагдах юм. Суралцах хүсэл сонирхолтой хүмүүсээс тусгай комисс шалгалт авч шалгаруулан сонгох аж. Тухайн сургалтаар мэргэжил эзэмшсэн хүмүүс заавал Оюутолгойд биш өөрийн нь мэргэжил шаардлагатай  хаана ч ажлын байраа сонгон ажиллах боломжтой аж.