УИХ–ын Байгаль орчин, хүнс хөдөө аж ахуйн байнгын хорооны хуралдаан болж байна. Тус хуралдаанаар "Монгол мал" хөтөлбөрийн хэрэгжилтийн талаар авч хэлэлцэж буй юм. УИХ–аас баталсан тус хөтөлбөрт нийт 9.5 тэрбум төгрөг тусгаж өгсөн бөгөөд өнгөрсөн хавар зүүн аймгуудад мал, амьтны гоц халдварт шүлхий өвчин гарч, малыг вакцинжуулах шаардлагатай болоход Засгийн газар шийдвэр гаргаж, тус хөтөлбөрт тусгасан хөрөнгөөс 2.6 тэрбум төгрөгийг зарцуулсан нь гишүүдийн тайлбараар бол хууль зөрчсөн үйлдэл болж хувираад байна. Тиймээс УИХ–ын гишүүн Д.Тэрбишдагва Хүнс, хөдөө аж ахуй хөнгөн үйлдвэрийн яамыг "Монгол мал" хөтөлбөрийн мөнгийг юунд зарцуулсан талаарх задаргааг УИХ–ын гишүүн бүрт гаргаж өгөхийг хүслээ.

Салбарын яамны Төрийн нарийн бичгийн даргын тайлбараар бол "Монгол мал" хөтөлбөрт тусгасан хөрөнгийг дараах зүйлд зарцуулжээ. Тухайлбал, одоогоор 309 суманд мал эмнэлгийн анхан шатны нэгж байгуулаад байгаа. Мөн ОХУ–аас 1000 каракуль хонины үр худалдаж авсан, малыг бүртгэлжүүлэх томоохон ажлын эхлэл тавигдсан гэж байна.

Г.Дарь