Ус цаг уур, орчны шинжилгээний газраас ирүүлсэн мэдээгээр өнгөрсөн хоногт Говь-Алтай аймгийн Бугат сумын нутгаар салхи түр зуур секундэд 14-16 метр, Өмнөговь аймгийн Сайхан, Гурван тэс сумдын нутгаар секундэд 16-23 метр хүрч шуурсан аж. Бусад нутгаар цаг агаар тогтуун хоножээ.

Өнөөдөр нутгийн баруун хагаст үүлэрхэг, баруун зүгийн нутгийн зарим газар, төвийн нутгийн баруун хэсгээр цас орно. Бусад нутгаар солигдмол үүлтэй цас орохгүй. Салхи баруун хойноос секундэд 5-10 метр, Алтайн салбар уулс, Арц богдын өвөр хоолойгоор секундэд түр зуур 16-18 метр хүрч ширүүснэ. Алтай, Хангай, Хэнтийн уулархаг нутаг, томоохон голуудын сав газраар 4-9 хэмийн хүйтэн, Алтайн өвөр говь болон Говийн бүс нутгаар 4-9 хэм, бусад нутгаар 0-5 хэмийн дулаан  байна. Улаабаатар хотод солигдмол үүлтэй, цас орохгүй. Салхи баруун хойноос секундэд 5-10 метр, 0-2 хэмийн дулаан байна.

Маргаашаас нутгийн зүүн хагаст, 11, 13-нд зарим газраар цас орно. Салхи ихэнх хугацаанд зарим газраар түр зуур секундэд 16-18 метр хүрч шороон болон цасан шуурга шуурна. Хүйтэрч Хангай, Хөвсгөлийн уулархаг нутаг, томоохон голуудын сав газраар шөнөдөө 25-30 хэм, өдөртөө 15-20 хэм, Алтайн өвөр говь болон говийн нутгийн өмнөд хэсгээр шөнөдөө 7-12 хэмийн хүйтэн, өдөртөө 3 хэмийн хүйтнээс 2 хэмийн дулаан, бусад нутгаар шөнөдөө 15-20 хэм, өдөртөө 4-9 хэмийн хүйтэн байна

П.Наран