Ардчилсан намын Гүйцэтгэх зөвлөл өнөөдөр хуралдаж, цаг үеийн асуудлаар санал солилцлоо. Хурлаар цаг үеийн байдал, мөн энэ сарын 19-нд болох Үндэсний зөвлөлдөх хорооны хурлаар хэлэлцэх асуудлыг ярилцсан байна.

Энэ удаагийн Ардчилсан намын Гүйцэтгэх зөвлөлийн хурал 60 гаруй хувийн ирцтэй хуралдсан бөгөөд гишүүд Үндэсний зөвлөлдөх хорооны хуралд АН болон МАХН-ын хамтын ажиллагааны гэрээний биелэлт, “Анхан шатаа сонсоё” аяны үр дүн, намын даргын ҮЗХ-ны хуралд тавих илтгэл, АН-аас 2020 он хүртэл Монгол Улсыг хөгжүүлэх хөтөлбөрийг боловсруулах асуудлаар санал солилцжээ. Гүйцэтгэх зөвлөлийн хурлыг ирэх долоо хоногийн даваа гаригт  дахин хуралдуулж дээрх асуудлуудыг эцэслэн батлахаар болсон байна.

Г.Дарь