Хэнтий аймгийн Өмнөдэлгэр суманд “Жижиг дунд бизнесийг дэмжих” сангийн зөвлөлд 29 төсөл ирснээс 18 төсөлд 19 сая төгрөгийн зээл олгож, уг төсөлд 2010 онд ядуурлаас гаргах гурван өрхийг хамрууллаа. Мөн тус сумын Хэнтий багийн нутаг Сайханы голын орчимд эртний байгууламж байна гэх иргэдийн мэдээллийн дагуу ажлын хэсэг газар дээр нь очиж үзэн, холбогдох байгууллагад танилцуулсан байна. Сумын хэмжээнд “Шударга ёс ил тод байдал” нэг сарын аян зохион байгуулах ажлын хүрээнд аймгийн ЗДТГ-ын хууль зүйн хэлтсийн дарга Ж.Ганбаатар төрийн албан хаагчид болон иргэдтэй уулзаж “Шударга ёс, ил тод байдал” сэдэвт нээлттэй хэлэлцүүлэг зохион байгууллаа.