Замын-Үүд дэх хилийн боомтоор өнгөрсөн баасан гаригт 0108 дугаар ангийн авто замын шалган нэвтрүүлэх боомтоор Замын-Үүд Эрээний гарах чиглэлд УАЗ-465 маркийн суудлын автомашины зорчигч БНХАУ-ын иргэн LI Gui Lin гар аргаар бөгж болгон хэвлэсэн 20 орчим грамм алтыг гаалийн мэдүүлэг бөглөөгүй, худалдаж авсан баримт бичиггүй, хууль бусаар хилээр гаргахыг завдсаныг хилийн ажилтнууд илрүүлсэн байна. Уг хэргийг Хилийн тагнуулын тасаг шалгаж буй гэнэ.
Н.Түвшин