Халдварт өвчин судлалын үндэсний төвд өнгөрсөн долоо хоногт долоон төрлийн халдварт өвчний 172 тохиолдол бүртгэгджээ. Үүнээс вируст хепатит А буюу халдварт шар өвчний 110, цусан суулга өвчний 32, салхин цэцэг өвчний 15  тохиолдол зонхилж бүртгэгдсэн байна. Иймд тус эмнэлгээс хувь хүмүүс болон үйлчилгээний газар, албан байгууллагууд орчны ариун цэврийг сайтар сахихыг анхаарууллаа.

Мөн тус эмнэлэгт өнгөрсөн долоо хоногт ДОХ/БЗДХ-ын тандалт судалгааны албаар 660 хүн үйлчлүүлсэнээс 412 нь сайн дурын зөвлөгөө шинжилгээнд хамрагдаж, бэлгийн замын өвчин 19 илэрч, эмчлүүлсэн байна.

Харин боом өвчнөөр дөрвөн хүн өвчлөн тус эмнэлэгт эмчлүүлж байгаа бөгөөд эрчимт эмчилгээ-сэхээний тасагт эмчлүүлж байсан нэг өвчтний биеийн байдал дээрдэж, тасагт шилжсэн аж.