“Эра” төвөөс жил бүр уламжлал болгон зохиодог реклам, зар сурталчилгааны шинэ дүр төрх тодруулах, авьяаслаг загвар өмсөгчдийг таниулах  зорилготой “New Face” арга хэмжээ 10 дахь удаагаа өнгөрсөн амралтын өдөр боллоо. Энэ жил “Оны шилдэг, шинэ залуу загвар өмсөгч”, “Оны шилдэг, шинэ залуу фото модель”, “Олны таашаалд нийцсэн загвар өмсөгч”, “Онцлог, содон төрхтэй загвар өмсөгч” номинаци шалгаруулснаас  Золжаргал, Оюун-Эрдэнэ, Анужин, Халиун, Энхжин, Цэрэндондов, Болор-Эрдэнэ нар шилдгээр тодорчээ. Ангилал тус бүрт эрэгтэй, эмэгтэй загвар өмсөгчийг шалгаруулсан бөгөөд тэд зар сурталчилгааны шинэ дүр төрх болж, томоохон компаниудын нүүр царай болох юм “Эра” төвөөс санаачлан, зохион байгуулдаг “New face”-ээс Э.Түмэнжаргал, Б.Батцэцэг, Н.Халиун, Э.Сэлэнгэ гээд олон, олон алдартай загвар өмсөгч, фото моделиуд төрөн гарсан байдаг юм.