Нью-Йоркийн бар менюныхээ үнийг хэлбэлзүүлнэ

Хуучирсан мэдээ: 2010.03.28-нд нийтлэгдсэн

Нью-Йоркийн бар менюныхээ үнийг хэлбэлзүүлнэ

“Нэг пинт пиво ямар үнэтэй вэ гэсэн асуултад “зах зээлийн үнээр” гэж Манхаттен дүүргийн шинэ ресторанынхан хариулах болно. Энд хоол болон уух зүйлсийн үнэ нь эрэлттэй уялдаатайгаар хувьцааны ханш өсөж буурдаг шиг хэлбэлзэх юм байна. “Exchange Bar & Grill” ресторан Манхаттан дүүргийн “Grammercy Park”-ын ойролцоо хөл үймээн ихтэй дэлгүүр, пабнуудын хажууд байрладаг бөгөөд үнээ улаан өнгийн гүйдэг цахим дэлгэцэн дээр байрлуулах юм байна.

Хэрэглэгчдийн хэрэглээтэй холбоотойгоор халуун далавч /зургаан ширхэг нь 7 ам.доллар/, шарсан каламари /9 ам.доллар/ гэх мэт бүх зууш, хүнс, ундаа нь 25 центээр тогтмол хэлбэлзэх ба үндсэн үнэнээсээ дээш доош хоёр ам.долларын хэлбэлзэлтэй байна. Нэг шил “Guinness” пиво зургаан ам долларын үндсэн үнэтэй ч хэр их захиалж байгаагаас хамаарч доошоо 4-8 ам.доллар болж болох юм байна. Тиймээс хэрвээ хэрэглэгчид нэг төрлийн ундаа их уувал үнэ нь өсч, харин бусдынх нь буурах аж.
Рестораны эзэн Levent Cakar, Damon Bae нар энэ өвөрмөц маркетинг нь хэрэглэгчдийн анхаарал сонирхлыг татах болно. Гэхдээ өөрсдийнх нь хоолны амт чанар түүнээс дутахгүй хэрэглэгчдийн таашаалд нийцэх болно гэж үзэж байна. Эдийн засгийн нөхцөл байдлаас болоод рестораны хэрэглэгчдийн тоо Нью-Йорк болон, Америкт буурсан бөгөөд өнгөрсөн жил рестораны бизнесийн хувьд хатуу жил байсан. Нью-Йорк хот 23 мянган ресторантай бөгөөд жил бүр 4,400 орчим ресторан шинээр нээгддэг гэж хотын лицензийн алба мэдээлсэн. Энэ шинэ ресторан дөрвөн сарын 1-нд үүдээ нээх юм байна гэж “Reuters” агентлаг Нью-Йоркоос мэдээллээ.
Т.Санаа

NewsMN Гар утасны хувилбар Татах
NEWS.mn

Мэдээллийн эх сурвалж