Пүрэв гаригт дор хаяж 68 хүнтэй онгоц Кубын төвд сүйрсэн байна. Одоогоор хэн нэгэн амьд үлдсэн талаар мэдээлэл байхгүй байна. Кубын телевизийн мэдээлснээр АТР-72-212 давхар турбо хөдөлгүүрт энэ онгоц Кубын төрийн өмчийн „Aero Caribbean Airlines“ компанийнх аж. Онгоц Сантиагогоос Хавана хүрэхээр нисч байсан бөгөөд Гуасимал хотын ойролцоо орон нутгийн цагаар оройны 5:42 цагт газар унасан байна. Хотын эмнэлгийн зүгээс хэн ч амьд үлдээгүй гэжээ.

Онгоцонд нийт Кубын 40 иргэн, 28 гадаад иргэн болон хөлгийн долоон гишүүн зорчиж байсан байна.