Японы мэргэжлийнсумо бөхийн хаврын башёгийн
сүүлийн өдрийн барилдаан өнөөдөр болно. Хару башёгийн 14 өдрийн барилдааны дараах
байдлаар зуун хувийн амжилтаар ганцаараа тэргүүлж буй мэргэжлийн сумо бөхийн 69 дэх их аварга Хакухо
М.Даваажаргал өнөөдөр зүүн жигүүрийн озэки Харумафүжи Д.Бямбадоржтой барилдана.
Макүүчи зиндаанд зодоглож
буй манай бусад бөхчүүдийн тухайд зүүн жигүүрийн маэгаширагийн тэргүүн бөх Какурюү М.Ананд Тоёохибикитэй, Тамаваши
Б.Мөнх-Оргил /М4/
Тоёоношиматай, Кёкүтэнхо Н.Цэвэгням /М2/ Такэказэтэй тус тус барилдана. Түүнчлэн 10 даваа, дөрвөн унаатай башёг амжилттай үргэлжүүлж буй Асасэкирюү Б.Дашням /М11/ Котошогикүтэй, Токитэнкү А.Хүчитбаатар /М13/ Точиоантай, Моконами Г.Базарсад /М15/ Ивакияматай, харин Хакуба А.Өнөржаргал /М9/ Тосаюүтакатай тус тус барилдахаар
оноолт таарчээ. А.Өнөржаргалын тухайд өнөөдрийн барилдаанд өрсөлдөгчөө давбал тавиас дээш хувийн амжилтаа биелүүлэх боломжтой юм.
