Хэнтий аймгийн Хүн ам орон сууцны тооллогын ажилд тооллогын комиссын гишүүн 273, сум багийн түр товчооны ажилтан 415, тоологч шалгагч 549, нийт 1210 хүн ажиллах бэлтгэл хангагдаж, 1058 нь сургалтанд хамрагдлаа.

Аймгийн ХАОСТ-ын комиссын дарга, аймгийн Засаг дарга Ч.Эрдэнэбаатар комиссын гишүүдэд ХАОСТ-ын ажлыг эрчимжүүлэх, хариуцсан сумдын ажилд хяналт тавих, сумдын тооллогод хэрэглэх компьютерүүдийн ажиллагааны байдлыг шалгаж, шаардлагатай засвар үйлчилгээг аймгийн Засаг даргын тамгын газрын технологи хариуцсан ажилтнаар хийлгэх үүрэг өглөө.

ХАОСТ-ын урьдчилсан бүртгэл явагдах хугацаанд гурван удаа явцын мэдээ гаргажээ. Аравдугаар сарын 18-нд сумдаас авсан мэдээллээр нийт 10912 өрх 36087 хүн ам, аравдугаар сарын 21-нд 15131 өрх 50185 хүн ам, аравдугаар сарын 25-нд 17218 өрх 58188 хүн ам урьдчилсан тооллого бүртгэлд хамрагдаад байна.