Санал 19 хэмээх нэрийн дор Калифорнид марихуаныг тарьж ургуулах, бага хэмжээгээр хэрэглэхийг хуульчлан зөвшөөрөх асуудлаар бүх нийтийн санал асуулга явуулах болсон нь Латин Америкийн орнуудад түгшүүрийн харанга дэлдэж, хэрэв марихуаны хэрэглээг хуульчлан зөвшөөрөх аваас мансууруулах бодисын эсрэг явуулж буй үйл ажиллагаанд хүнд цохилт болно гэж үзэж байсан юм.

“Санал 19” хэмээн нэрлэгдсэн марихуаны хэрэглээг хуульчлах  асуудлаар мужийн хэмжээнд бүх нийтийн санал асуулга явуулахад калифорничуудын 56 хувь нь эсэргүүцэж, 44 хувь нь дэмжсэн байна. Калифорни мужид 1996 оноос эхлэн марихуаныг эмчилгээний зорилгоор тарьж ургуулах, худалдаалахыг хуульчлан зөвшөөрсөн ажээ.

Санал 19 дэмжлэг авч, зөвшөөрөгдөх тохиолдолд 21 нас хүрсэн иргэд 28,35 грамм марихуаныг биеэндээ авч явах, 2,3 квм талбайд каннабис тарьж, ургуулах эрхтэй болох байсан байна.