Монголын хамгийн өндөр болох 25 давхар, 105 метрийн өндөртэй тэнгэр баганадсан байшинг Улаанбаатарын төвд барьж дууссан хэмээн Оросын rambler.ru сайтад мэдээлжээ.

Blue Sky Tower  цамхгийг 2006 онд Chono Corporation  бариулж эхэлсэн гэж Хотын орчин ба өндөр барилгын зөвлөлийн (CTBUH) сайтад мэдээлсэн байв.

Тэнд өгүүлснээр уг барилгад таван одтой зочид буудал, “А” зэрэглэлийн албан байрнууд, хурлын танхим, бутикууд ресторан ба фитнес төв байрлах аж. Мөн тэнд элитийн албан байрууд байна.

Одоогоор барилгын ажил дуусч, жилийн эцсээр нээлт нь болно. Уг байрны эзэд тэндээ тус улсын хамгийн их хөгжиж буй уул, уурхайн компаниуд, мөн гадны хөрөнгө оруулагч нарыг суулгах хүсэлтэй байна хэмээн сайтын мэдээнд дурьджээ.