Сэтгэл эрүүл бол бие эрүүл | News.MN

Сэтгэл эрүүл бол бие эрүүл

Хуучирсан мэдээ: 2010.03.28-нд нийтлэгдсэн

Сэтгэл эрүүл бол бие эрүүл

Сэтгэлийн олон янзын дарамтууд байдаг. Эдгээр нь цусны даралт ихсэх, багасах, толгой эргэх, нойр хулжих гэх мэт олон хэлбэрээр илэрдэг.
Эмэгтэй хүн сэтгэлийн хөдлөл ихтэй, ямар нэгэн зүйлд илүү хүчтэй байдлаар ханддаг.
Энэ бүхэн нь нэг талаас сайн ч гэлээ болж бүтэхгүй болоод ирэхээр стресст ордог нь судалгаагаар тогтоогдсон.
Стресс бол хүнийг түргэн хөгшрүүлэх, өвчлүүлэх зэрэг ямагт таагүй нөлөө дагуулж байдаг.
Тиймээс өөртөө итгэх итгэлийн түвшинг нэмэгдүүлэх, сэтгэл санаагаа захирахад тань дараах зөвлөгөө тус болж чадна.

Нэг. Өөрөө өөртөө найрсаг хандахаас эхэл.

Хоёр. Хэрэгтэй, хэрэггүй түмэн янзын асуудалд өөрийгөө бүү туйлдуул.

Гурав. Хүнд тусалж болох ч хэтэрсэн ачаалал бүү үүр. Энэ нь эсрэг үр дүнд хүргэнэ.

Дөрөв. Өөртөө сайн сайхан үг хэлж, урам зориг хайрлаж бай.

Тав. Дутагдалтай тал байсан ч үүнийгээ товойлгох хэрэггүй.

Зургаа. Өөрийгөө бусадтай харьцуулахаа боль. Атаа жөтөөнөөс болж ийм харьцуулалтыг эмэгтэйчүүд их хийдэг. Энэ нь хүнийг нервтүүлэх, өөртөө итгэлгүй болгох, улмаар стресст оруулахаас өөр ашигтай үр дүнгүй дэмий зүйл юм. Тиймээс өөрийгөө бусадтай харьцуулж, ямар ч ашиггүй тоглоом тоглохоо боль.

Долоо. Бүх эмэгтэйчүүд өөрийн гэсэн давуу сул талуудтай, өвөрмөц гоо сайхантай байдгийг мартаж болохгүй. Та бол зөвхөн танд л байдаг, заяасан онцлогтой давтагдашгүй хувь хүн. Энэ л таныг чимдэг.

Найм. Өөрийн давуу тал дээр бүхнийг үндэслэ. Бүгдийг мэдэж чадаж байх албагүй л дээ, гэхдээ л таны маш сайн хийж чаддаг зарим нэг зүйлс байж л таараа. Тиймээс л өөрийн давуу, сайн гэсэн талуудаа ил гаргах, бага зэрэг "рекламдахад" ч гэмгүй.

Ес. Хэрэв та л бусдын хүндэтгэл, бахархлыг төрүүлэх сайн талаа ил гаргахгүй бол хэн ч мэдэхгүй өнгөрнө шүү дээ.

Арав. Боломжийг бүү алд. Амьдрал тааварлашгүй олон зүйлээр баялаг байдаг. Хүн бүрд боломж байгааг бид тэр бүр анзаардаггүй.

Арван нэг. Янз бүрийн ашигтай хувилбаруудтай боломжийг алдсанаар хүн бухимдаж стресст орох нь элбэг байна. Уг боломжийг алдсан өөрөө л буруутай шүү дээ.

Арван хоёр. Хэрэв танд ямар нэгэн боломжтой гарц, хувилбар тохиолдвол үзээд алдахад гэмгүй. Бүтэхгүй байсан ч та дараа нь өөрийгөө зэмлэхгүй.

Арван гурав. Гол нь өөрийгөө үнэлж, бусдад өөрийгөө нээ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Стрессээ тайлцгаая 2010-03-28 127.0.0.1

Хаврын хахир улирлаар алжаал юугаа тайлж амарч сувилуулья гэвэл манайхыг зориорой Танд туршлагатай хамт олон тайван дулаан орчин саун усан эмчилгээ хямд үнийг зэрэг санал болгож байна Дэлгэрэнгүй мэдээллийг 9811-0230 9919-2738 дугааруудаас лавлана уу
АМАРСАНАА СУВИЛАЛ

NewsMN Гар утасны хувилбар Татах
NEWS.mn

Мэдээллийн эх сурвалж