Баруун аймгуудад шороон шуурга үргэлжилсээр байна | News.MN

Баруун аймгуудад шороон шуурга үргэлжилсээр байна

Хуучирсан мэдээ: 2010.03.28-нд нийтлэгдсэн

Баруун аймгуудад шороон шуурга үргэлжилсээр байна

Хаврын дунд сар  дуусах дөхөж байхад цас орж, зарим үед цасан болон шороон шуургатай байсаар байна. Тухайлбал өнгөрсөн баасан гаригт Баян-Өлгийн хэд хэдэн суманд дахин цас оржээ. Ус цаг уурын хүрээлэнгээс ирүүлсэн мэдээгээр  Завханы нутаг, Увс, Хөвсгөл, Архангайн, Хэнтий, Дорнодын хойд, Булганы баруун өмнөд, Төв, Баян-Өлгий, Ховдын өмнөд хэсгээр 9-32 см, Сэлэнгийн нутаг, Увс, Хөвсгөл, Архангай, Дорнод, Хэнтий, Сүхбаатарын өмнөд, Баянхонгор, Өвөрхангай, Булган, Төв, Дундговь, Дорноговийн хойд хэсгээр 1-8 см зузаан цасан бүрхүүлтэй байгаагаас хамгийн их нь Увсын Баруунтуруунд 30, Хяргаст, Давст, Тэс суманд 27 см, Зүүнговьд 25 см, Завханы Тэсэд 32 см, Баянтэсэд 22 см, Ховдын Үенчид 32 см, Алтайд 23 см, Булганы Могодод 30 см, Хэнтийн Батширээтэд 26 см, Баян-Адрагад 23, Дадалд 21 см зузаан цастай байна.

Ойрын өдрүүдэд цаг агаар таагүйтэн цасан болон шороон шуурга болох аж. Энэ тухай Онцгой байдлын ерөнхий газрын  Гамшигтай тэмцэх газрын дарга, комиссар С.Цогтбаатараас тодрууллаа.

-Орон нутагт цаг агаар таагүйтэх юм шиг байна. Малчдад энэ тухай мэдээлэл хүргэсэн үү?

-Ус цаг уурын хүрээлэнгээс өнөөдрөөс эхлэн баруун аймгуудын нутагт цас орж, цасан болон шороон шуургатай гэсэн мэдээ ирүүлсэн. Тухайлбал, Баян-Өлгий, Ховд, Говь-Алтай, Увс аймгийн өмнөд хэсгээр цасан шуурга болж зарим үед 18-20 м\сек хүрч шуурна гэсэн. Бид мэдээллийг орон нутагт шуурхай хүргэсэн.

-Орон нутгаас цаг агаар ямар байгаа талаар мэдээ ирсэн үү?

-Одоогоор ямар нэгэн мэдээ ирүүлээгүй байна. Өнөөдөр\өчигдөр\ Ховдын хоёр сум, Удс аймгийн өмнөд хэсгээр, 8-10 м\сек шуурч эхэлж байна гэсэн мэдээ  ирлээ. Цаг агаарын мэдээг олон өдрийн өмнө хүргэсэн болохоор малчид маань анхаарч арга  хэмжээ авч байгаа байх.

-Ер нь хэзээнээс дулаарах юм бол. Ойрын өдрүүдэд дахин цасан шуурга болно гэсэн мэдээ ирсэн үү?

-Энэ цасан шуурга өнөө маргааштай үргэлжлэх бололтой. Бидэнд ирүүлсэн мэдээгээр 28-нд баруун зүгийн ихэнх нутаг, төвийн нутгийн баруун хэсгээр цас орно. Салхи  27-нд Алтайн уулсаар, 28-нд баруун зүгийн ихэнх аймгаар 18-20 метр, зарим үед секундэд 24 метр хүрч цасан болон шороон шуурга шуурна гэсэн. Ирэх сард цаг агаар тийм таатай сайхан байхгүй юм билээ. Иргэдэд анхааруулахад онцын шаардлагагүй бол цасан шуургатай аймгууд руу холын замд гарахгүй байхыг сануулья.

Дөрөвдүгээр сарын цаг агаарын урьдчилсан мэдээг хүргэе.

Дөрөвдүгээр сард агaaрын дундаж температур нутгийн хойд хэсгээр 0-5 градус хүйтэн, бусад хэсгээр 3-8 градус дулаан байна. Ирэх сарын нэгдүгээр арав хоногийн дунд үе болон хоёрдугаар арав хоногийн эхэн ба дунд үеэр хүйтэрч Увс, Завхан, Баянхонгорын хойд хэсгээр шөнөдөө 17-22, өдөртөө 3-8 градус хүйтэн, говийн аймгуудын нутгаар  шөнөдөө 3-8 градус хүйтэн, өдөртөө 6-11 градус дулаан, бусад нутгаар шөнөдөө 11-16 градус хүйтэн, өдөртөө 1-6 градус дулаан байна. Мөн  гуравдугаар арав хоногийн эхэн ба дунд үеээр өмнөх үеэсээ 4-6 градусаар хүйтэрнэ. Бусад хугацаанд Увс, Завхан, Баянхонгорын хойд хэсгээр шөнөдөө 10-15 градус хүйтэн, өдөртөө 5-10 градус дулаан байна.Гуравдугаар арав хоногийн сүүлчээр дулаарч говийн аймгуудын нутгаар  шөнөдөө 4-9, өдөртөө 20-25 градус дулаан, бусад нутгаар шөнөдөө 0-5, өдөртөө 14-19 градус дулаан байх төлөвтэй.Нэгдүгээр арав хоногийн дунд үе болон сүүлч, хоёрдугаар арав хоногийн дунд үеэр ихэнх нутгаар, хоёрдугаар арав хоногийн эхэн ба сүүлчээр нутгийн зүүн хэсгээр, гуравдугаар арав хоногийн эхэн болон сүүлчээр зарим газраар хур тунадас орох юм байна.

Х.Хангал

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

enji 2010-03-28 127.0.0.1

malchid yaanaa sanaa zovj bainashuu

Avatar

solior 2010-03-28 127.0.0.1

UHSENII CHINE 2012 oni suirel tiim yum bhgui chi ** yumu erguu kinond tarhia ugaalgasan munhag durakuud olon yumaa yamarch suirel ntr bolohgui e gej

Avatar

naiz 2010-03-28 127.0.0.1

sain chanariin esgii hyamd zarna 91150308

Avatar

айсан иргэн 2010-03-28 127.0.0.1

улаанбаатарт иймэрхүү болох юм болов уу ямар нэгэн мэдээлэл байна уу

Avatar

айсан иргэн 2010-03-28 127.0.0.1

улаанбаатарт иймэрхүү болох юм болов уу ямар нэгэн мэдээлэл байна уу

Avatar

Abdullah Ezel 2010-03-28 127.0.0.1

eeee khurkhii ard tumen mini ene bukhen 2012 ond bolokh delkhiin suirlel oirtsony chinj shuu deee

Avatar

Abdullah Ezel 2010-03-28 127.0.0.1

eeee khurkhii ard tumen mini ene bukhen 2012 ond bolokh delkhiin suirlel oirtsony chinj shuu deee

NewsMN Гар утасны хувилбар Татах
NEWS.mn

Мэдээллийн эх сурвалж