Арвайхээр хотод “Цэцгийн баяр-2010” боллоо. Өвөрхангай аймгийн БОАЖГ-аас “Батномин суварга” нөхөрлөл болон сургуулиудын байгаль хамгаалах эко бүлгэмийн сурагчидтай хамтран “Цэцгийн баяр-2010”-ыг зохион байгуулав. “Оюуны ундраа” бага сургууль, ерөнхий боловсролын I сургууль, “Мэргэд”, “Соёмбо” цогцолбор сургуулиудын 160 сурагч, 4 багш энэ үйл ажиллагаанд идэвхтэй оролцлоо.  Оролцогчдын дундаас хамгийн олон, хамгийн ховор, гоёмсог цэцэг тарьсан 15 сурагчийг “Байгальд ээлтэй хүүхэд”-ээр шалгаруулж, шагнаж урамшуулав. Цэцгийн баярт оролцсон хүүхдүүдэд цэцгийн ач холбогдлыг танин мэдэж, цэцэг тарьж арчлах талаар бие биетэйгээ туршлага солилцох нөхцөл бүрдүүлснээрээ ач холбогдолтой боллоо гэж Өвөрхангай аймгийн БОАЖГ-ын ажилтнууд дүгнэж байна.

Цэцгийн баярт оролцож буй Оюуны ундраа, Мэргэд сургуулийн сурагчид
Сурагчдын тарьж ургуулсан цэцгүүд