Хог новшоо цэвэрлэх үедээ та өөрөөсөө
ингэж асуудаг уу? Хэрвээ тийм бол мэргэжилтнүүдийн
өгсөн доорх зөвлөгөөг
уншаарай.

Хэрэв танд нэг ижил зүйл
хоёр байгаа бол аль нэгийг нь хаях цаг болсон. Хэрэгцээнээс илүү зүйл хэрэггүй.

Хэн нэгний өгсөн танд таалагддаггүй бэлэг. Заримдаа бид хүнд бэлэг өгөхдөө
өгсөн бэлэгтэйгээ хамт уг хүнээ алдчих шиг санагддаг гэж Фэнг
Шүй-гийн нэгэн зөвлөгч хэлсэн байдаг. Нэгэнт л танд таалагддаггүй бол хадгалах хэрэг юу байна.

Юунд хэрэгтэй, юу гэдгийг нь мэдэхгүй зүйлс
танайд олон байна уу? Ямар нэг
зүйлийг сарын дараа ямар хэрэгтэйг нь олж мэдээгүй бол гаргаж хаясан нь дээр. Эсвэл хэн нэг хэрэгтэй
хүнд өгөх хэрэгтэй.

Дурсгалтай боловч хэрэггүй
зүйлс. Хайртай авгын чинь
эдэлж хэрэглэж байсан хуучин эд зүйлс.
Хаяхад хайран ч, хамгийн дуртай байсан нэгийг нь үлдээгээд
бусдыг нь өөр үеэлд нь өгч явуул.

Таны эд хэрэглэл өөрийг
чинь урьд ямар хүн байсан
гэдгийг  биш одоо ямар хүн бэ? гэдгийг харуулж байх ёстой.
Тиймээс таван жил, арван жилийн өмнө хэрэглэж байсан юм хэнд хэрэгтэй
юм бэ?

Таныг өөрийн
эрхгүй инээмсэглүүлдэг зүйлс. Тухайлбал охины чинь гуравдугаар ангидаа хийж
байсан үсний зүүлт байж л байг.

Дахиад авчихаж болох зүйлс.
Хэтэрхий хуучирсан, загвар нь хоцрогдсон эсвэл нүсэр
зүйлсээр юугаа хийхэв. Илүү сайн, шинийг авч болно шүү дээ.

Эцэст нь эд зүйлс
хадгалах нь илүү их зай багтаамж
шаардана гэдгийг ойлгоорой.