17 дахь ITS (Intelligent Transport System)-ийн Дэлхийн их хурал өнгөрсөн долоо хоногт БНСУ-ын Бусан хотноо боллоо. Энэхүү хурал жил бүр болдог бөгөөд энэ удаа 17 орны Тээврийн сайд, дэд сайд нар оролцов. Монгол Улсаас Зам, тээвэр, барилга, хот байгуулалтын дэд сайд Т.Пүрэвдорж оролцож, БНСУ-ын Газар, тээвэр, далайн хэргийн яамны сайд ноён Чун Жон Хуан болон БНХАУ,  Болгар Улс,Лаос,Швед, Шри Ланк, Узбэкистан, Вьетнам, Катар, Филипин, Бирма, Египет, Камбож, Бангладеш зэрэг орны сайд нартай уулзаж, танилцаж салбарын цаашдын хамтын ажиллагааны талаар яриа хэлэлцээ өрнүүлжээ.

 Сайд нарын дугуй ширээний уулзалтад 17 орны сайд, дэд сайд нар хамтран аюулгүй, тухлаг, ногоолог замын хөдөлгөөний бодлого, чиглэлийг хэлэлцэж үр дүнд нь хамтарсан мэдэгдэл гаргаж ирээдүйн ухаалаг тээврийг олон нийтэд уриалсан байна.