Хөрөө сэтгэл зүйн аймшгийн киноны сүүлийн анги хэмээн нэрлэгдээд буй “Хөрөө D” нээлтээ хийсэн эхний долоо хоногтоо 24,2 сая ам.долларын ашиг олж, box office-ийг тэргүүллээ. Аймшгийн киног найруулагч Kevin Greutert найруулж гол дүрд нь алуурчин Jigsaw буюу Tobin Bell уламжлал ёсоор тоглосон байна. Costas Mandylor, Betsy Russell, Sean Patrick Flanery, Cary Elwes хэмээх жүжигчид мөн гол дүрүүдэд тоглосон ба нийтдээ 17 сая америк долларын өртөгтэйгөөр Lionsgate болон канадын Maple Pictures нар хамтран бүтээжээ.

Кино анхны 3D айшгийн кино мөн цувралын сүүлчийнх гэдгээрээ онцлог тул нилээн их ашиг орлого олохоор тооцоологдсон гэнэ. Өмнөх зургаан ангийн үйл явдлын хэлхээ, учир тайллыг энэ ангид гаргасан нь үзэгчдийн сонирхлыг ихэд татсан ба 3D-гээр зураг авалтаа хийсэн учраас илүү их ашиг олно хэмээн кино мэргэжилтнүүд таамаглаад байгаа юм.

Өнгөрсөн жил “Хөрөө 6” нээлтээ хийсэн эхний долоо хоногтоо 10 саяыг олж байсан аж.

1. "Saw 3D," $24.2 сая
2. "Paranormal Activity 2," $16.5 сая
3. "Red," $10.8 сая
4. "Jackass 3D," $8.4 сая
5. "Hereafter," $6.3 сая
6. "Secretariat," $5.1 сая
7. "The Social Network," $4.7 сая
8. "Life as We Know It," $4 сая
9. "The Town," $2 сая
10. "Conviction," $1.8 сая
Н.Наран