ОХУ-ын Засгийн газ­рын аппаратын тэр­гүүн ерөн­хий сай­дын орлог­чоор Вячес­лав Володин то­ми­логд­лоо. “Нэгд­мэл Орос” намын ерөнхий зөв­лөлийн тэр­гүү­лэгч­дийн на­рийн бич­гийн дарга, Төрийн думын дэд дарга Вячеслав Во­лодин Засгийн газарт Москвагийн мэрээр томилогдсон Собяниныг орло­хоор болсон юм. Ийм то­милолт сонирхолтой харагдаж байна. Олон ний­тээс хол ту­шаалд нэлээдгүй дуу­лиантай улс­төр­чийг то­милов. 1999 оны дөрөв­дүгээр сар хүртэл тэрээр Саратов мужийн дэд захирагчаар ажиллаж байгаад захирагчтайгаа хэл амаа ололцолгүйгээр албан тушаалаа орхижээ. Дараа нь “Эх орон-Бүх Орос”, ба “Нэгдмэл Орос” нам эвсэлд удирдах алба  хашихдаа карьерын шат бүрдээ эсрэг эсвэл өөрийн талтай үзэлцсээр явж байлаа. Бүгд түүний энэ араншинг анхаарахаас гадна орлогыг нь сонирхдог. Коммунист намын нарийн бичгийн дарга Валерий Рашкин нэгэн удаа Володин өөрийн 9,6 сая рублиэ хэрхэн 2,7 тэрбум болгосныг сонирхож байв. Володин түүнтэй заргалдаад нэг сая рублийн нөхвөр авч чадсан юм. Саратовын Засгийн газрын сайд асан Геворг Жлавтян түүнийг авлига авсан гэж хэлээд шоронд суусан юм.