Катарын нийслэл Доха хотноо эмэгтэй талбайн теннисчдийн хувьд хамгийн нэр хүндтэйд тооцогдох WTA Championships тэмцээн үргэлжилж байна. Өчигдөр тэмцээний хоёрдугаар тойргийн тоглолт болсон бөгөөд дэлхийн чансааг саяхнаас тэргүүлэх болсон Каролина Возняцки энэ тойрогт Австралийн Саманта Стосуртай тоглож, 6-4; 6-3 харьцаатай ялагдсанаар шуугиан тариад байна. Стосурын хувьд ийнхүү хоёр дахь ялалтаа авчээ. Тэрбээр тэмцээний эхний тойрогт Францын нээлттэй тэмцээний аварга Франческо Скьявонег хожсон юм.
Самантай Стосур хэсгийн сүүлийн тоглолтоо ОХУ-ын Елена Дементьевагийн эсрэг хийх бөгөөд ялсан тохиолдолд хагас шигшээд өрсөлдөх эрхтэй болно. Харин Возняцки өнөөдөр орой Италийн Скьявонетай тоглох юм.
Түүнчлэн Бельгийн шилдэг теннисчин Ким Клейстерс дэлхийн номер нэг асан Елена Янковичтай тоглож, 6-2; 6-3 харьцаагаар эхний хожлоо авчээ. Тэрбээр өмнө нь 2002 болон 2003 онд Дохагийн тэмцээнд түрүүлж байсан юм. Түүний дараагийн өрсөлдөгч нь Виктория Азаренка байх юм.
Дэлхийн шилдэг найман эмэгтэй теннисчний өрсөлдөж буй 4,55 сая ам.долларын шагналын сантай WTA Championships тэмцээний аварга энэ сарын 31-нд тодорно.

Ш.Тэргэл