Гараар урласан тансаг зэрэглэлийн эмэгтэй гутлаараа алдартай дизайнер Jimmy Choo өнгөрсөн баасан гаригт өөрийн нэрийн үнэртэнгээ танилцууллаа. Түүний нэрээр нэрлэгдсэн энэхүү сүрчгийг ажлын хамтрагч Tamara Mellon танилцуулж, хэвлэлийнхэнд мэдээлэл өгсөн байна.

Тэрбээр “Энэхүү сүрчиг бол тансаг үнэртэй. Jimmy Choo гэлэг нэр үргэлж дахин давтагдашгүй, гайхалтай гэсэн зүйлтэй холбогдож байдаг. Тиймээс энэ  сүрчиг ч мөн адил өвөрмөц, тэгээд дахин давтагдашгүй гайхалтай үнэртэй” гэжээ.

Нэрт дизайнерын нэрээр нэрлэгдсэн энэхүү үнэртэн ирэх оны хоёрдугаар сараас худалдаанд гарна. Мөн биеийн шингэн саван болон чийгшүүлэгч тос худалдаанд гаргах гэнэ.