“Киви” хамтлагийн дуучин Ука “blonde” үсээрээ стилиэ дахин бүрдүүллээ. Тэгвэл тэрбээр стиль, имижээ өөрчилсөн юм. Тус хамтлагийн тав дахь цомог болох “Бидний дурлал”-ын хамгийн эхний “Тэнгэр газрын дунд” гэх дуундаа зориулан Ука, Агий, Намуунаа гурав тас хар үстэй “Retro” стилийг бүрдүүлсэн. Тэрбээр  “Хүмүүс намайг үсээ хар өнгөтэй болгохоор “Киви” хамтлагийн утга алдагдана гэж боддог байсан. Тэр бодлыг нь өөрчлөх гэж би өнөөдөр ийм хар үстэй болчихсон сууж байна. Хэдий миний үс хар өнгөтэй болсон ч “Киви” хамтлаг хэвээрээ л байна шүү дээ” гэж байсан. Харин хамтлагийн шаргал үст Укад хар үс нь төдийлөн таалагдаагүй бололтой. Саяхан болж өнгөрсөн соёлын гавьяат зүтгэлтэн, хөгжмийн зохиолч Л.Балхжавын “Миний дуунууд 2010” тоглолт дээр эргэн шаргал үстэй гарч ирэв.