УИХ-ын чуулганы баасан гаригийн хуралдаан дээр УИХ-ын гишүүн Ц.Мөнх-Оргил Барилга хот байгуулалтын сайдаас нэг хүнийг олж өгөхийг хүсэв. Гишүүн Ц.Мөнх-Оргил Баянгол дүүргийн наймдугаар хороонд баригдсан “Эко констракшн” компанийн удирдлагуудыг олж уулзахыг хүссэн аж. Тэрээр “Энэ барилгын удирдлагуудыг олж, надтай уулзуулж өгөөч. Манай сонгогчид надаас нэхээд байх юм. Тэр хүмүүс найман давхар барилгыг лифтгүй барьчихаад яваад өгсөн байна лээ. УИХ-ын гишүүн надад хүртэл олдохгүй байна” хэмээн гомдоллов.

Үүнд нь сайд Х.Баттулга “Нямдавааг олж өгөөрэй гэж байх шиг байна. Тэр чинь намын бага хурлын нэг нөхөр байгаа. Тэр зугтаад хаа холдох вэ. Олдоно” хэмээн ангийнхаа андын хүсэлтийг хүлээж авав.