Иргэний нисэх тээврийн онгоцнууд согтуу хүмүүс, амиа золиослогчид бас бус бусад шалтгаанаар үүссэн үйлдлийн улмаас зорчигчдын амь насыг аврахаар ослын газардалт хийх тохиолдлууд гардаг. Гэтэл нэгэн матраас болж, өнгөрөгч наймдугаар сарын 25-нд Бүгд Найрамдах Конго улсын иргэний тээврийн нэгэн нисэх онгоц газардалт хийх гэж байгаад осолдож, 20 зорчигчийн амь нас үрэгдсэнийг амьд үлдсэн цорын ганц  зорчигч ярьжээ. Гэнэт матар гарч ирснээс болж, зорчигчдын танхимд үймээн сандрал үүсчээ.

Зорчигчдын нэгэн матрын жижиг зулзагыг нууцаар зорчигдчын танхимд оруулсан бөгөөд  эзэмшигчийн анхаарал суларсан үед матрын зулзага уутнаасаа гарсан тухай Jeune Afrique сонинд мэдээлжээ. Зорчигчдын танхимаар явж байсан онгоцны нэгэн үйлчлэгч гэнэт матартай тулгарч айж сандран нисэгч нарын бүхээг рүү гүйсэн байж. Тэр мөчид зорчигчид үймэлдэн үйлчлэгчийн хойноос шавааралдан гүйлдсэн тул онгоц тэнцвэр алдан буух зурваснаас 500 метрийн зайтай газар унасан байна.
Матрын зулзага эсэн мэнд үлдэж, сүйрсэн Let-410 онгоцны бүхээгнээс гарч явж байгаа видео бичлэг үлджээ.