Хүүхдийн ”Forte piano” улсын уралдаан болж байна | News.MN

Хүүхдийн ”Forte piano” улсын уралдаан болж байна

Хуучирсан мэдээ: 2010.03.26-нд нийтлэгдсэн

Хүүхдийн ”Forte piano” улсын уралдаан болж байна

Монголын хүүхдийн ордноос жил бүр төгөлдөр хуур сонирхогч хүүхдүүдийн дунд улсын уралдаан зохион байгуулдаг билээ. Энэхүү уралдаанд мэргэжлийн бус хүүхдүүд оролцдог бөгөөд найман нас хүртэл, 9-10 нас, 11-13, 14-ээс дээш насныхан гэсэн ангиллаар явагдаж байна. Оролцогч хүүхдүүд уралдааныг зохион байгуулах комиссоос өгсөн ая, Ф.Шопенийн нэг зохиолоос гадна ансамбль тоглох юм байна. Хүүхдийн ордны төгөлдөр хуурын багш М.Мөнгөнцэцэг, Т.Туул, Д.Одончимэг нарын шавь нар бэлтгэсэн зохиолоо маш чадварлаг тоглож байсан юм. Төгөлдөр хуурынхаа товчлуурт арай ядан хүрч байгаа бяцхан охид төгөлдөр хуураа маш анхааралтай тоглохоос гадна тайзны жүжиглэлтийг чамгүй эзэмшсэн нь үзэгчдийн хайрыг татаж байсан. Нэг ангилалдаа 20-25 хүүхэд өрсөлдөж байгааг мэдсэн хүүхдүүд адил ая тоглож байгаа ч “Дунд хэсэгтээ нэг нот алдлаа. Минийх арай илүү байлаа” гэж бие, биенээ шүүмжилж байв. Хүүхдийн ордны  төгөлдөр хуурын дугуйланд нэгхэн жил суралцаж байгаа гэх охид, хөвгүүд монгол ардын дуунаас гадна Л.Бетховений “Сурок”, В.Моцартын “Тема вариаций”-г тоглож байлаа. 9-10 насны ангилалд М.Мөнгөнцэцэг багшийн шавь М.Цэцэгдарь, А.Оюунгэрэл, Т.Туул багшийн удирдсан А.Амин-Эрдэнэ нар үеийнхнээсээ илүү авьяастай гэдгээ харуулж, тэдний тоглолтод үзэгчдийн алга ташилт тасарсангүй.
Монгол-Оросын хамтарсан  III  сургуулийн  сурагч М.Цэцэгдарь “Анх удаа энэ тэмцээнд оролцож байна. Тайзан дээр анх удаа гарч байгаа болохоор хүмүүсээс айж байсан. Диндон гэдэг ая тоглоход хүмүүс алга ташаад байхаар нь баярлалаа. Манай багш надад олон гоё ая зааж өгдөг. Би гэртээ төгөлдөр хууртай болохоор чөлөөт цагаараа давтдаг” гэв. Монголын хүүхдийн ордны багш М.Мөнгөнцэцэг “Эцэг эхчүүд хүүхдүүдээ авьяаслаг, төгс төгөлдөр хүн болгохын төлөө их анхаардаг болсон. Манай дугуйланд суралцах хүсэлтэй хүүхдүүд их байдаг. Монгол хүүхдүүдийн нэг онцлог нь юмыг маш богино хугацаанд сурдаг. Сонсгол сайтай байдаг юм” гэв. Уралдаанд нийт ная гаруй хүүхэд оролцсон бөгөөд өнөөдөр шилдгээ шалгаруулах гэнэ.
Х.Хангал

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-03-26 127.0.0.1

L-GUARDS хамтлагийн анхны бие даасан тоглолт 2010 оны 4 сарын 3-нд UB PALACE ROYAL-д 1900 цагаас болох гэж байна Тасалбарыг Мobicom Be-гийн бүх салбаруудаар худалдаалж байна Тасалбарын үнэ 5000 төг Холбоо барих утас 99083033 99647354 99125115

Avatar

төгөлдөр 2010-03-26 127.0.0.1

Ганцхан хүүхдийн ордны багш нараа рекламдахаа болиоч Энд чинь УБ болон хөдөө орон нутгаас газар газрын олон багш нарын хүүхдүүд амжилттай өрсөлдсөн шүү дээ

Avatar

www unegui mn 2010-03-26 127.0.0.1

www UNEGUI mn-ä àâòîìàøèí ¿ë õºäëºõ øèíý õóó÷èí òàâèëãàíóóä á¿õ òºðëèéí öàõèëãààí áàðàà ãýýä á¿õ ë þì áàéíà

NewsMN Гар утасны хувилбар Татах
NEWS.mn

Мэдээллийн эх сурвалж