Хар тамхины сүлжээний бүс нутаг болох Мексикийн Жуарес хотын зэргэлдээ Гуадалупе тосгоны цагдаагийн газрын даргын ажлыг 20 настай коллежийн оюутан бүсгүй авлаа. Энэ хот нь 10 мянга гаруй хүн амтай, АНУ-ын Техас мужийн хилтэй ойролцоо оршдог байна.

Марисол Валлес Гарсиа хэмээх энэ бүсгүй криминалистикийн чиглэлээр суралцдаг байна. Хачирхалтай нь хар тамхитай холбоотой гэмт хэргээс үүдэн энэ онд л гэхэд Мексикийн 11 хотын даргыг хөнөөснөөс болж цагдаагийн газрын даргын ажлыг авах хүсэлтэй хүн байхгүй байжээ. Зургадугаар сард л гэхэд Гуадалупе хотын захирагчийн амийг хөнөөсөн байна. Харин Валлес энэ ажилд өөрийгөө нэр дэвшүүлсэн аж.

Валлес энэ ажлыг авсаныхаа дараа орон нутгийн хэвлэлд “Айж байна уу гэж үү? Хүн болгон л айдаг шүү дээ. Гэхдээ нийгмийн аюулгүй байдлыг нэмэгдүүлэхийн тулд хийх гэж буй миний төсөл их сайн. Хотынхоо төлөө их зүйл хийж чадна гэдэгтээ итгэлтэй байна” хэмээн ярьсан байна.