Тансаг зэрэглэлийн авто үйлдвэрлэгч Porsche компани өдгөө зах зээлд худалдаалж буй бүх автомашиныхаа гибрид буюу давхар хөдөлгүүртэй хувилбарыг үйлдвэрлэхээр төлөвлөж буйгаа мэдэгдлээ. Спорт загварын, тансаг төмөр хөлөг үйлдвэрлэгч тус компани ирээдүйд агаарын бохидолт, автомашинаас ялгарах хорт утааг багасгах зорилгоор ийнхүү арга хэмжээ авах болсон байна. Энэ талаар Porsche компанийн Вольфганг Дуэрхаймер “Ирээдүйд бид бүх загварын машиныхаа гибрид хөдөлгүүртэй хувилбарыг гаргах болно” гэжээ.

Porsche хэдийнэ Cayenne төмөр хөлгийнхөө гибрид хувилбарыг үйлдвэрлэж эхэлсэн бөгөөд Парисын мотор шоуны үеэр Panamera суудлын тэрэгний цахилгаан хувилбарыг олон нийтэд танилцуулсан билээ.

С.Цэлмэг