Cessna Aircraft компани Citation X загварын бизнес ангиллын нисэх онгоцны илүү том, сайжруулсан хувилбар болох Citation Ten-ийг танилцууллаа. Цоо шинэ Citation Ten онгоц 2011 оны сүүлээр агаарт хөөрөх бөгөөд 2013 онд анхны зорчигчоо хүлээн авах гэнэ. 22 сая ам.долларын үнэтэй, найман хүний суудалтай Citation X  онгоцтой харьцуулахад Citation Ten нь 40 см-ээр урт, илүү хол зайд тасралтгүй нисэх хүчин чадалтай, мөн даацын хувьд илүү байх ажээ.
Түүнчлэн Citation Ten онгоц сайжруулсан Rolls-Royce Plc хөдөлгүүртэй, кабины менежментийн систем нь цоо шинэ бөгөөд энтертайнмент болон харилцаа холбооны тухайд илүү боловсронгуй байх юм. Зорчигчдын суудал нь илүү тухлаг, зорчигчдын бүхээг нь 7,6 метр урт, 175 см өндөр, 170 см өргөнтэй байх юм. Мөн зорчигч бүрийн урд LCD мэдрэгчтэй дэлгэц байх ба тэндээс зорчичг кабины гэрэлтүүлэг, агааржуулагч зэргийг тохируулах боломжтой. Мэдээж бизнес ангиллын нисэх онгоц учир өндөр хурдны интернэт, хиймэл дагуулын радио болон Wi-Fi-тай ажээ.

С.Цэлмэг