Аравдугаар сарын 18-ны өдөр Францад хямралын эсрэг штаб байгуулж, гишүүдэд нь улс оронд бүрэн хэмжээний шатахууны хямрал гаргахгүй байх үүрэг өгсөн тухай Agence France-Presse мэдээлжээ.

Дотоод хэргийн яамны тэргүүн Брис Ортфе штабын бүрэлдэхүүнд хэд хэдэн яамдын төлөөлөгч нарыг оруулахаар тушаалаа. Тэд өөрсдийн үйл ажиллагааг улс орныхоо шатахууны бүх төрлөөр хэрэгтэй хэмжээнд хангах ажиллагааг зохицуулах ёстой.

Өмнө нь шатахууны тасалдал гарч ирсэн тухай мэдээлж байв. Супер маркетуудын дэргэд ажиллаж байсан бүтэн хагас мянган шатахуун түгээгч станцууд үйлчилгээгээ зогсоосон байв. Үүний зэрэгцээ шатахууны агуулахын дөрөвний нэг орчим нь хэрэглэгчдэд бүтээгдэхүүнээ ачуулахаа зогсоосон байна.

Шатахууны хямрал улс даяар явагдаж байгаа ажил хаялттай холбоотой. Үүнд хэд хэдэн нөхцөл нөлөөлж байгаа. Нэгдүгээрт, импортын бүтээгдэхүүн орж ирж байгаа боомтын ажилчид ажилдаа гарахгүй байна. Хоёрдугаарт, олон тооны нефть баазуудыг бусад ажил хаягчид тухайлбал, алсын тээврийн жолоочид бүслэн хаасан байна. Гуравт нь шатахууны агуулахын ажилтнууд өөрсдөө ажил хаяж байгаа юм.

Үүссэн нөхцөл байдалтай уялдуулан шатахуун нийлүүлэгчид стратегийн нөөцөөс нээхийг санал болгожээ. Гэхдээ Засгийн газар үүндээ хүрээгүй байна.