Гадаад валютын нөөцөөр дэлхийд тавд бичигддэг Өмнөд Солонгос улсын төв банк нөөцөнд буй ам.долларын харьцааг өөрчлөх журмаар алт худалдан авах гэж байна. Тус улсын валютын нөөц 290 тэрбум ам.доллар боловч үүний ердөө 0,2 хувь буюу 14 тонн алтны нөөцтэй аж. Өмнөд Солонгосын гадаад валютын 63 хувь нь ам.доллар байдаг юм.  Бусад орнуудын хувьд гадаад валютын нөөцийнхөө дунджаар 10 хувийг алтаар нөөцөлдөг байна. Сонирхуулахад Герман болон Франц улс нийт валютын 50 хувь алт аж.

Тус улсын төв банкны тэргүүн Ким Чүүн Со даваа гаригт энэ талаар Парламентын коммисст мэдэгдсэн байна.

Энэтхэг, БНХАУ, Тайланд зэрэг Азийн орнууд ам.долларын ханш суларч буйтай холбогдуулан мөн алт худалдан авч байгаа юм.