“Apple” компанийн iPod, iPad болон iPhone зэрэг барааны борлуулалтаас олсон орлого 20 тэрбум ам.доллараас давж рекорд тогтоов. Тус компанийн захирал Стийв Жобс энэ тайланг хараад өөрөө ч цочирдсон бөгөөд энэ жилдээ багтаан дахин хэд хэдэн сюрприз бэлдээд байгааг мэдэгдсэн байна.

Тус компанийн гол бүтээгдэхүүн болох iPhone улирлын хэмжээнд өмнөх оныхтой харьцуулахад 91 хувиар өсч, 14,1 сая ширхэг болсон байна. Хэрэв тус компани зах зээлийн хэрэгцээг хангаж чадахуйц хэмжээний үйлдвэрлэл явуулж чадсан бол энэ байтугай их iPhone борлуулах байсан гэж “Apple” мэдэгдэж байна.

Гэхдээ iPad-ны борлуулалт тийм ч сайн байгаагүй байна. Энэ хугацаанд компанийн зүгээс 4,2 сая ширхэгийг заржээ.

Нийтдээ “Apple” компанийн цэвэр ашиг 4,3 тэрбум ам.доллар болжээ.