Шинэ Зеландын эрдэмтэд киви шувуунд зориулж үнэртэн бүтээхээр болжээ. Зөвхөн Шинэ Зеландад нутагладаг эл шувуу сүүлийн жилүүдэд араатан амьтдын хоол болж мөхлийн ирмэгт хүрээд буй. Киви шувууны өднөөс хүчтэй, хурц үнэр ялгардаг нь тэднийг олз болгодог аж.
Тиймээс эрдэмтэд кивиг хамгаалах үнэртэн бүтээхээр болжээ. Дашрамд дурдахад, киви шувуу нь Шинэ Зеландын үндэсний бэлгэдэл юм. Далавчаа дэлгэдэггүй тул нисэх чадваргүй уг шувууны өд алсаас харахад хиймэл мэт харагддаг бөгөөд дөрвөн кг хүртэл жинтэй.