Богд Хааны Ордон музей нь Олноо Өргөгдсөн Монгол улсыг тунхаглаcны 100 жилийн ойг угтан өөрийн баялаг сан хөмрөгт түшиглэн сэдэвчилсэн цуврал үзэсгэлэн гаргаж байгаа юм. Энэхүү “Урлалд шингэсэн гэгээрэл” үзэсгэлэн нь  энэ сарын 10-наас арваннэгдүгээр  сарын 1-н хүртэл дэлгэгдэх юм байна.

Монгол шүтээн урлалын уламжлал нь анхдугаар Богд Өндөр Гэгээн Занабазарын үеэс эхтэй бөгөөд VIII Богд Жавзундамбын үеийг хүртэлх хугацаанд утгат чанар, ур хийцээрээ гайхагдсан хүн төрөлхтний урлал туурвилын охь болсон шүтээнүүд бүтээгджээ. Мөн энэ үеэр бурханч лам Г.Пүрэвбатын шавь Д.Ухаанзаяа өөрийн урлахуйн ухааны “Цаглашгүй гэрэлт” төвийн уран бүтээлүүдээс дэлгэн үзүүлжээ