Онгоцонд өгдөг хоол нэг л амт муутай, зарим нь бараг ямар ч амтлагчгүй мэт санагддаг уу? Тэгвэл энэ нь агаарын тээврийн компанийн тогооч нар муу ажилладаг гэсэн үг биш гэнэ. Учир нь саяханы нэг судалгаагаар онгоцны дуу чимээ хүний амтлах эрхтэнд ингэж нөлөөлдөгийг баталсан байна. Энэ судалгаанд оролцогчдын нүдийг боож, чанга хөгжим, чимээтэйд хоол идүүлсэн байна. Хачирхалтай нь энэ чимээ чанга байх тусам хоолны чихэрлэг болон давсархаг амт нь буурч, харин шаржигнаж байгаа мэдрэмж өсч байсан байна.

Харин үүний эсрэгээр нам тайван, чимээ багатай орчинд хооллоход амт хамгийн сайн мэдрэгддэг гэнэ. Магадгүй хөдөө газар, эсвэл уулын орой дээр гараад уусан цэвэр ус тийм сайхан амтагддагийн учир нь энэ байж магадгүй ажээ.