УИХ-ын чуулганы нэгдсэн хуралдаанаар одоо С.Бямбацогт гишүүнээс Засгийн газрын бондын зарцуулалтын талаар Сангийн сайдад тавьсан асуулгын хариуг эрхэм гишүүд сонсч байна. Уг хуралдаанд МАХН-ын бүлгээс долоо, Ардчилсан намын бүлгээс 10 гишүүн оролцож байгаа юм. МАХН-ын бүлгийн гишүүд хоёр хэсэг болж бөөгнөрөн хоорондоо ярилцаж сууна. Чуулганы хуралдаанд тэр бүр суудаггүй эрхэм гишүүн С.Баяр өнөөдөр ирж, гишүүд нь ч тойрон яриа хөөрөө өрнүүлж байна. Асуулгын дараа Эрүүл мэндийн тухай хуулийн шинэчилсэн найруулгын төслийг үргэлжлүүлэн хэлэлцэх юм. Гэвч 17 гишүүн “чуулж” байгаа нөхцөлд ирц бүрдэх эсэх нь тодорхойгүй байна. 

Д.ОЮУН