Гамшигт нөхцөл байдал үүссэн цагт манлайлан ажиллах учиртай Онцгой байдлын ерөнхий газ­рынхан үзүүлэн тоглолт хийх­дээ үнэхээр ч онцгой шүү. Үүнийг пиар сайтай Ц.Амгаланбаяр даргатай нь хол­бохгүй байх аргагүй. Улсаас төсөвлөсөн хөрөнгийг орон нутгийн онцгой албадад ху­ваарилсан дүр үзүүлчихээд даат­гал нэрээр буцаагаад татчихдаг гэж байгаа. Энэ мэт үйлдлээс нь болоод түүнийг үзүүлэх тоглолтод гаршсан нэгэн гэдэг биз. Гэсэн ч түүнд хариуцлага тооцдоггүйн учрыг Ша­дар сайд М.Энхболд, ХЗДХ-ийн сайд Д.Нямдоржийн хүн гэ­дэг­тэй нь холбох нь бий. Харин бодит байдал дээр энэ албаныхан чанарын шаардлага хангаагүй хувцас, зохион байгуулалтгүй байд­­лаараа л онцгойрох нь бий. Уг нь тоног төхөөрөмж сайжирч, мэргэ­жилтнүүд нь суралцлаа л гэдэг. Гэтэл манай онцгой байдлын албаныхныг газар доорх байтугай барилгын нурангид даруулсан хүний амь аварч чадахгүй мунгинаж байх зуур Чилийн мэргэжил нэгт нөхөд нь сэтгэл байгаад зүтгэл байвал хэрхэн онцгойрч ажиллаж болдгийг дэлхий нийтэд харуулж чадлаа. Чилийн онцгойнхон болон даргад нь манай онцгой албанд зүтгэгсэд битүүхэндээ атаархаж л суугаа. Харин энэ үйл явдал Онцгой байдлын ерөнхий газрын дарга Ц.Амгаланбаярт чухам юу бодогдуулсан бол. Үнэн хэрэгтээ сэтгэл дутаад байна гэдгийг ухаарч жаахан ч гэсэн ичсэн болов уу. Эсвэл Чилийн онц­гойнхонтой Монголынхыг харь­­цууллаа гэх юм уу. Гэхдээ л Франц улсын Иргэний аюулгүй байдлын удирдах газартай хамтарч ажиллах гэрээнд гарын үсэг зурсан хүн шүү, тэр. 

Р.САРАНГОО

Зохиогчийн эрх: "Улс төрийн тойм" сонин