Тансаг зэрэглэлийн гар утасны зах зээлд тэргүүлэгч Vertu компани Constellation Quest хэмээн нэрлэсэн анхны QWERTY товчлууртай гар утсаа танилцууллаа. Энэхүү гар утас нь Nokia E63, E71-ийн адилаар доод хэсэгтээ QWERTY товчлууртай бөгөөд мэдээж Vertu-гийн бүтээл учраас тансаг, чамин байх нь гарцаагүй. Зэвэрдэггүй гангаар бүрж, зарим хэсгүүдэд 18 каратын алт, саффир, болор шигтгэсэн ба арын хэсгийг гараас хальтирч унахгүй байх үүднээс арьсаар хийсэн байна.

Vertu-гийн цоо шинэ бүтээл дэлхийн 66 улсад 500 гаруй дэлгүүрүүдэд худалдаалагдах юм. Харин үнийн тухайд одоогоор тодорхойгүй байна.

С.Цэлмэг