Италийн шигшээ Сербийн шигшээг “Евро 2012”-ын урьдчилсан шатанд Женоа хотод хүлээн авч тоглолоо. Гэвч энэ тоглолт эхлээд долоохон минут өнгөрөөд зогссон байна. Учир нь Сербийн хөгжөөн дэмжигчид эмх замбараагүй байдал үүсгэн цэнгэлдэхийн гадна цагдаа нартай мөргөлдөөн үүсгэн, 15 хүн гэмтэж, нэлээд тооны дэмжигчид баривчлагджээ. Зарим хөгжөөн дэмжигчид өөрийн багийн автобус руу дайрсан бөгөөд энэ үед хаалгач Владимир Стойкович галтай шилэнд оногджээ.  Тоглолт хуваарьт цагаас 40 минутын дараа эхлэсэн бөгөөд тэд “Косово бол Серби” гэсэн лоозонг барьсан байв.

Бөмбөг тоглолтонд орохоос өмнө бямба гаиагт Афганистанд алагдсан дөрвөн итали цэргийн дурсгалыг хүндэтгэн хоёр баг дуугүй зогсон хүндэтгэл илэрхийлсэн. Тоглолт эхлээд удаагүй байхад Италийн хаалгач Эмилиано Вивилианод дэмжигчид ойртох үест Шотландын шүүгч Крэйг Томсон тоглогчдын аюулгүй байдлыг бодон тоглолтыг зогсоосон байна. Тоглолтын дараа Сербийн хөлбөмбөгчид болон дасгалжуулагч нь олон нийтээс уучлал эржээ.

Хөгжөөн дэмжигчдийн уур хилэнгийн бай нь Стойкович байсан. Учир нь тэр талбайдаа Эстонид 3:1-ээр хожигдсон тоглолтонд үнэхээр муу тоглосон юм. Тиймээс Сербийн хилэн ихт хөгжөөн дэмжигчдийн дургүйцлийг хүргэсэн бололтой.   

Score Studio