Хүчиндэхийг завджээ: Өчигдөр 23:30 цагийн үед Чингэлтэй дүүргийн 11 дүгээр хорооны Нуурын 19 дүгээр гудамжинд 35 настай Б гэгч согтуурсан үедээ бусадтай бүлэглэн гэртээ харьж явсан 40 настай, эмэгтэйг  хүчиндэхийг завджээ.  Тэднийг НХЭГ-ын цагдаа нар үйлдэл дээр нь   саатуулсан бөгөөд одоо Чинэглтэй дүүргийн цагдаагийн хэсэгт шалгагдаж байгаа аж.

“Цэн констракшн” -ий хашаанаас хулгай хийжээ: Өчигдөр 15:00 цагийн үед Сонгинохайрхан дүүрэгт байрлах “Цэн констракшн” ХХК-ийн аж ахуйн хашаанд дахь гүний худгаас худгийн мотор, 100м-н урттай цахилгааны утас, резинэн хоолой зэрэг эд зүйлүүд алдагдсан байна.  Уг хэргийг тус дүүргийн III дугаар хороонд оршин суух  31 настай, эрэгтэй Э гэгч хулгайлан  авч явсныг  илрүүлжээ. Хэргийг Сонгинохайрхан дүүргийн цагдаагийн хэлтэс  шалгаж байна.

Машиныг нь хулгайлжээ: Өчигдөр 15 цагийн үед Сонгинохайрхан дүүргийн долдугаар хороо буюу Баянхошууны 13-т оршин суух иргэн С  нь 43-71 УБТ улсын дугаартай Pronter  машинаа хашааныхаа гадна тавиад хулгайд алджээ. Түүний машиныг оршин суух хаяг тодорхойгүй Б гэгч согтуурсан үедээ бусадтай бүлэглэн хулгайлан унаж явсныг НХЭГ-ын цагдаа нар саатуулан шалгасан байна. Шалгах явцад Б гэгч нь ойролцоо явсан  эрэгтэйг машинаараа мөргөж, баруун хөлийг нь гэмтээсэн байна. Хэргийг Сонгинохайрхан дүүргийн цагдаагийн хэлтэс шалгаж  байгаа аж.

П.Наран