Өчигдөр МАХН-ын Удирдах зөвлөл, Засгийн газрын Хэрэг эрхлэх газар хамтран Төрийн ордонд онол-практикийн бага хурал хийв. Тэнд хамгийн их үнэд хүрсэн хүмүүс нь наймдугаар богд Жибзундамба, ардын намын анхны долоогийн нэг Бодоо сайд нар болов.

МАХН-ын ерөнхий нарийн бичгийн дарга У.Хүрэлсүх байн байн л “Бодоогийн санаачилж Богдын шүншиглэсэн  МАН нэрээ авна аа хө. Орчин үед хамгийн нийцсэн нэр бол энэ байна. Одоо цагт хувьсгалт гэдэг үг зохицохгүй” хэмээн хэлж байв. Нэг үе нэрийг нь дурдахаас цэрвэдэг байсан Богд, Бодоо хоёр ийнхүү үнэд орлоо.

Д.ОЮУН