“Harry Potter” киногоороо алдар хүндийн оргилд хүрсэн Daniel Radcliffe ганц бие амьдралдаа ихэд сэтгэл хангалуун байгаа тухайгаа ярьжээ. “Би 14 настай байхаасаа хостой болж байлаа. Тэр үеэс хойш ямар нэгэн зүйлийг ганц өөрийн хүссэнээр биш, өөр нэгэн хүний хүсэлд тохируулан хийх гэж хичээх хэрэгтэй болсон. Харин одоо бол би ганц бие. Ганц бие байна гэдэг одоохондоо надад үнэхээр сайхан байна. Ойрын хугацаанд ямар нэгэн харилцаанд орох сонирхол алга” гэжээ.

Мөн тэрбээр Бродвейн “How to Succeed in Business Without Really Trying” нэртэй мюзиклд тоглохоор болсон билээ. Өмнө нь 2008 онд “Equus” нэртэй мюзиклд тоглож байсан туршлагатай юм.

Shepherd Mead-ын “How to Succeed in Business Without Really Trying” нэртэй номноос сэдэвлэн бүтээсэн энэхүү мюзиклд гол дүр болох J.Pierrepont Finch-ын дүрд тоглох юм. Finch нь цонх цэвэрлэгч бөгөөд тэр өөртөө туслах номын зөвлөгөөг амьдралдаа зарчим болгосноор энгийн нэгэн  залуугаас зар сурталчилгааны компанийн дэд захирал болтлоо өсөн дэвшдэг байна.

Найруулагчийнх нь хэлснээр Finch-ын ер бусын, гайхаш төрүүлсэн амжилтын карьераас гадна нарийн бичиг бүсгүй Rosemary Pilkington-той үүсгэсэн хайр дурлалынх нь адал явдлын тухай мөн гарах гэнэ.

Н.Наран