Сонгинохайрхан дүүргийн 20 дугаар хороонд буюу 22-ын товчооны урд байрлах “Эм Жи Ойл” ХХК-ийн 1000 м3  багтаамжтай резервуар /шатахуун агуулах сав/ шатаж байжээ. Галыг унтраахаар Аврах гал унтраах 26 дугаар ангийн салаа,  нэмэлт дуудлагаар Аврах гал унтраах 10 дугаар ангийн 1, 2 дугаар тасаг, Аврах гал унтраах 14 дүгээр анги, Аврах гал унтраах 18 дугаар анги, Аврах гал унтраах 30 дугаар ангийн тасгуудыг тус тус гарч ажилласан байна.               
Мөн уг гал унтраах ажиллагаанд Нийслэлийн Онцгой байдлын газрын дарга комиссар Х.Батбилэг,  Онцгой байдлын ерөнхий газрын Гал түймэртэй тэмцэх хэлтсийн дарга дээд ахмад Я.Ишжамц, болон холбогдох хэлтэс, ангиийн мэргэжилтнүүд, захирагч,  аврагчид  нийлсэн  65 албан хаагчид ажиллажээ. Мөн гал унтраах зориулалтын насосны автомашин зургаа, ус тээвэрлэгч тав, гэрэл холбоо тусгай зориулалтын автомашин нэг, шуурхай албаны автомашин хоёр, нийт таван ангийн зургаан тасаг, 14 автомашин, техник зэвсэглэмж ашиглажээ.
Одоо уг шатахуун түгээх станцад ассан галын шалтгааныг тодруулах ажлыг холбогдох албаныхан ажиллаж байгаа аж. 

П.Наран