Аравдугаар сар гартал налайж байсан тэнгэр хангай хүйтний ам наашилж, хөхүүрийн ам цаашилж байгааг сануулан аашаа хувиргаад байна. Ойрын өдрүүдэд уулархаг газруудаар нойтон цастай, говийн аймгуудаар үе үе салхины хүч 16-18, заримдаа 24 м/сек хүрч ширүүсэхийг анхааруулж байна.

Нийслэлийн орчмын уулс ч цагаан хэвнэгээ нөмөрлөө. Богдхан уул, Сонгино хайрхан, баруун талын уулс цасан оройтой болоод хоножээ.

Үүнтэй зэрэгцээд нүүрс, түлээний жижиглэнгийн үнэ 100-200 төгрөгөөр өсч, шуудай нүүрс 1200 төгрөг, шуудай хар мод 800 төгрөгийн ханштай болжээ.