УИХ-ын байнгын хороод, чуулганы нэгдсэн хуралдаанаар ирэх долоо хоногт хаврын чуулганаар хэлэлцэж байгаад шийдвэрлэж чадалгүй үлдээсэн асуудлуудыг хэлэлцэхээр болжээ. Тухайлбал, Жендэрийн эрх, тэгш байдлыг хангах тухай хуулийн төсөл, Засгийн газрын тухай хуульд нэмэлт, өөрчлөлт оруулах тухай, Төрийн албаны тухай хуульд нэмэлт, өөрчлөлт оруулах тухай, Хууль, УИХ-ын бусад шийдвэрийн төсөл боловсруулах өргөн мэдүүлэх журмын тухай хуульд нэмэлт, өөрчлөлт оруулах тухай зэрэг хаврын чуулганаас үлдсэн төслүүдийг хэлэлцэхээр төлөвлөсөн байна. Ийнхүү ирэх долоо хоногт хаваржин гацсан хуулиуд “амилахаар” болжээ.