Хэрүүл маргаан гардаггүй гэр бүл гэж ховор. Санал зөрчилдөж, маргалдах нь бие биедээ хайргүй болсон хэрэг огт биш бөгөөд харилцан ойлголцох тал дээр асуудалтай байна гэсэн үг.
 
Тэгвэл гэр бүлийн эр, эм хоёр зөв сайн харилцаатай байхын тулд яах ёстой вэ.

• Эхнэр, нөхөр хоёрын хэн хэн нь харилцааны соёлтой бай,
• Хэн, хэн нь өөрийнхөө бодол санааг зөв илэрхийлж сур,
• Харилцан ярилцах үедээ тааламжтай цаг үеийг сонго,
• Харилцан ярилцаж байхдаа өөр зүйлд бүү сатаар,
• Анхаарлаа зөвхөн ханьдаа хандуул,
• Уурлаж, үзэн ядах зэргээр хэзээ ч хандахгүй байх,
• Сөрөг сэтгэл зүйд автан, байдлыг улам хүндрүүлэхгүй байх,
• Нэгэнт бий болсон байдлыг дахин дахин шүүмжилж бүү өдөө,
• Асуудлыг хурцатган дэврээж, хэрүүл болохоос сэрэмжил,
• Таалагдаагүй зүйлээ энгийн байдлаар илэрхийл,
• Үр хүүхдүүдийнхээ дэргэд ам муруйхгүй байх нь чухал,
• Айлын орон гэрт зөв энерги маш ихээр хуримтлагдсан байх ёстой тул гэр орондоо муу муухай үг хэлж бүү хэрэлд,
• Эр нөхөр нь эхнэртэйгээ, эхнэр нь эр нөхөртэйгээ харилцахдаа сайн харилцагч байхаас гадна эв дүйг эрхэмлэ.

Н.Цэнд