Хотод унасан мөндөр. ABC News сайтын гэрэл зурагМөндөр, салхи дагуулсан хүчтэй шуурга Австралийн Перт хотын 100 мянган хүнийг гэрэл цахилгаангүй үлдээлээ. Даваа гаригийн орой эхэлсэн хүчтэй шуурганы улмаас Перт хотын нийтийн тээвэр ба нисэх тээврийн хөдөлгөөн мягмар гаригт тасалджээ. Гольфын бөмбөгийн хэмжээтэй мөндөр машины шил толийг хагалан, байшингийн дээврийг цоолсон байна. Пертэд 40 мм-ийн тундас унасан нь хэдэн арван байшинг усанд живүүлж, газрын нүүдлийг гаргажээ. Хотын нэгэн эмнэлгийн хүлээн авахын дээвэр нурснаас тэндхийн хүмүүсийг нүүлгэх ажил гарав. Замын 150 орчим гэрлийн дохио гэмтэж, хэд хэдэн сургуулийн байр гэмтсэн учир хичээл хойшлогдлоо. Перт хот нь Баруун Австрали мужийн нийслэл бөгөөд мужийн Ерөнхий сайд Колин Барнетт (Colin Barnet) шуурганы хохирлыг 100 сая ам.доллар гэж үнэлсэн байна. Байгалийн ийм үзэгдэл тэнд 1994 оноос хойш гараагүй ажээ. Цаг уурын урьдчилсан мэдээгээр Пертэд хүчтэй шуурга болон усан бороо ойрын хоногуудад дахин орно. Тэнд өнгөрсөн зун гантай байсан нь ийнхүү тайлагдлаа.
